梁山泊日本料理 (Closed)

今日午飯同另外四個朋友一齊食，咁岩依間餐廳有買四送一嘅優惠於是我哋就食呢間囉~每個餐大約係$50至60左右，唔算貴。一個餐包左沙律、麵豉湯、蒸蛋、飲品同埋一碗粉麵。個沙律正正常常啦都算大同新鮮，個蒸蛋啲蛋就比較硬，唔似平時食開嗰啲比較軟身同埋水一啲嘅蒸蛋，呢度真係稍為扣分但係麵豉湯出奇地好飲，味精味唔重，仲有好多料~而我就叫咗叉燒拉麵，份量比較細，而且個湯底係類似豉油味，我覺得唔太好味。叉燒就幾靚嘅，但係太肥太多油啦， 大家睇吓相入邊舊叉燒啲肥膏有幾厚，唔太啱香港人嘅口味Lollll。環境方面比較暗，有少少嘈，可能因為當日餐廳入面比較多人，所以坐得都唔太舒服。整體來講，置富既日本菜我會鍾意食和亭多啲囉。