飛鷹餐廳

Open Now

Now Closed

突然好想食肉，所以星期六嘅下午就嚟咗同朋友食鐵扒牛。同區另外兩間（金X同金X）我都食過，食呢間之前都有睇過金X，發現一個set都已經要成$208，所以最後揀咗呢到。雖然喺深水埗長大，亦都成日經過呢到，但係我都係第一次食飛鷹。一入到去就係電影見到嘅懷舊枱櫈同暗黃燈光，座位都算係幾逼。睇到menu價錢相宜，我哋就各叫咗一份肉眼同牛柳。餐包非常大個同軟熟，跟咗一個牛油，另外仲有餐湯（紅白二選）。同金X唔同嘅係，侍應會喺鐵板餐上之前另外喺吧頭倒咗汁先，就唔會有彈到油嘅問題。肉眼我揀咗3成熟同洋蔥汁，而朋友嘅牛柳就係3成熟配黑椒汁加蒜蓉。我覺得洋蔥汁味道唔係好濃，感覺無乜特別。牛扒好大份，我嘅肉眼仲要係兩塊上。循例都係有薯菜做底，而且有蘑菇同番茄，薯條比例上無咁多（不過都好，因為我都食唔晒XD）總括嚟講，舊港式西餐廳嚟講飛鷹係最抵食，而且一路聽住侍應姐姐們閒話家常更顯港式風味。