喜亭軒 (Closed)

去親食飯最怕諗食咩，因為實有拗撬，今次朋友揀去喜亭軒，一餐飯滿足晒4個願望刺身、雞煲、邊爐、烤肉。朋友之前提議過去筲箕灣分店試，不過住大西北朋友唔方便，估唔到旺角都有分店，今次地點方便齊腳開餐。以港式火鍋店裝修稷講，卡位為主位置算寬敞，醬料吧類式多，可以瘋狂混醬，飲品、甜品以自助形式，其他配料就QR code 落單。我地套餐包括刺身拼盤、雞煲、海鮮拼盤及任食美國 SRF 黑毛和牛火鍋及烤肉點完雞煲同湯底，開始先黎刺身開胃頭盤，款式多樣新鮮，有三文魚、甜蝦、螺片、北寄貝、八爪魚等雞煲可以添食同自選辣度，雞件大件嫩口，入口啖啖惹味雞煲醬收起雞煲，轉食邊爐+烤肉，一爐兩味，其他食材QR Code 落單，上菜快及冇點漏單套餐包一次海鮮拼盤，鮑魚、蝦同蟶子，新鮮肥美。仲有和牛拼盤：牛舌、牛柳粒、牛脊肉都有齊，高質素肉肉脂肪分布平均，火鍋同烤肉任君選擇。總結一個價錢食勻刺身、雞煲、邊爐、烤肉，食材質素高質，CP值高