夏捌月 (Closed)

自從有一次夜晚同朋友聚會黎食過之後，就經常想黎食多次。今日約左朋友食lunch，因為午餐既價錢會再平D~~平時呢個時間都好多人等位，不過唔知係咪落雨既關係，今日居然唔駛等位。不過繁忙時間要人齊先可以入座，所以等埋個fd先入得去。我同朋友推薦蟹肉蟹膏risotto加烤大菇，因為上次晚飯食過蟹肉蟹膏意粉覺得個味好濃，又足料，所以想encore，加上我又鍾意食大菇。結果我地兩個都嗌左呢個menu入面較貴的餐($78，平日午餐不用加一)。P.S. 其他餐唔駛咁貴，一般都係$48~$68呢個價位。仲送湯/沙律，同野飲。味道一樣係咁濃，而且好足料真係有好多蟹肉。不過我覺得搭配意粉好食D，因為risotto再加蟹膏有少少太"膩"，好快就會食到好"濟"。個菇好juicy，不過佢個口感食落去有D"林"，唔似平時食開個D大啡菇，可能係唔同種。下次黎到可以再試下其他野呀。