Video
Read full review
2025-02-09
522 views
又同爸爸去食大喜屋啦！保持到水準：食物選擇多、味道亦都唔錯、上菜速度快、坐得舒服、價錢$300樓下可以食兩個鐘，仲有我最愛嘅Häagen-Dazs同埋Movepick雪糕😍 因為真係太多食物揀，我就講啲特別位等大家去選擇😙總共有10個類別可以選擇，包括刺身、壽司、串燒、一品料理等等。i. 刺身 有12款刺身揀，其中最特別應該係有加拿大雪蟹腳，仲提供鉸剪方便你剪👍🏻三文魚、油甘魚、帶子等都幾厚身😚ii. 特色刺身花雕醉鮑魚 - 一盒有四件，鮑魚幾好咬口泰式虎蝦 - 正常發揮iii. 創作壽司 海膽魚子拖羅蓉最中餅 - 我都鍾意食，加埋個餅兜幾特別🤣iv. 一品料理王牌炸乳鴿 - 估唔到有乳鴿食，梗係嗌返客試吓啦！上枱好香，食落啲肉都幾鮮嫩黃金軟殼蟹 - 香！炸粉唔算多，啖啖肉瑤柱扒豆苗 - 豆苗好食，都係encore咗兩份🙊v. 燒物極品金枕頭榴槤燒 - 榴槤幾甜，燒完雖然表面冇咁滑，但多咗份香烤味，可以試吓👍🏻香草燒羊鞍 - 爸爸encore咗一次串燒 - 叫左燒海蝦、鹽燒牛舌、雞軟骨、牛油燒翠玉瓜，有調味過，上碟微暖，細細件唔算好掗位，食多幾吋都冇問題仲有唔同壽司、手卷同天婦羅（但係
總共有10個類別可以選擇，包括刺身、壽司、串燒、一品料理等等。
i. 刺身
有12款刺身揀，其中最特別應該係有加拿大雪蟹腳，仲提供鉸剪方便你剪👍🏻三文魚、油甘魚、帶子等都幾厚身😚
ii. 特色刺身
花雕醉鮑魚 - 一盒有四件，鮑魚幾好咬口
泰式虎蝦 - 正常發揮
iii. 創作壽司
海膽魚子拖羅蓉最中餅 - 我都鍾意食，加埋個餅兜幾特別🤣
iv. 一品料理
王牌炸乳鴿 - 估唔到有乳鴿食，梗係嗌返客試吓啦！上枱好香，食落啲肉都幾鮮嫩
黃金軟殼蟹 - 香！炸粉唔算多，啖啖肉
瑤柱扒豆苗 - 豆苗好食，都係encore咗兩份🙊
v. 燒物
極品金枕頭榴槤燒 - 榴槤幾甜，燒完雖然表面冇咁滑，但多咗份香烤味，可以試吓👍🏻
香草燒羊鞍 - 爸爸encore咗一次
串燒 - 叫左燒海蝦、鹽燒牛舌、雞軟骨、牛油燒翠玉瓜，有調味過，上碟微暖，細細件唔算好掗位，食多幾吋都冇問題
仲有唔同壽司、手卷同天婦羅（但係我驚太飽，所以冇叫到呢幾類，介紹唔到俾大家啦🙈）其他特別嘢，包括：鮑魚皇帝蟹黃粥、海燕窩椰汁燉木瓜、避風塘瀨尿蝦、川味燒鮮蠔、脆皮炸鮮奶、脆炸貓山王，價錢嚟講選擇幾多又特別🤩
自助吧枱有好多嘢食同飲品
飲品 - 可以任飲手工啤酒、清酒等，仲有汽水、珍珠奶茶、椰青水等等可以揀！
水果 - 除咗基本嘢，仲有士多啤梨、藍莓同埋柑揀，淨係食士多啤梨都夠回本！士多啤梨都好甜😍
甜品 - 有芒果糯米糍、心太軟等等，雪糕有Movepick同埋Häagen-Dazs夾埋有四款雪糕揀，種類都幾多真係☺️
熱食仲有點心揀不得了，仲有章魚燒、燒味🤣
結論
CP值：8/10
🎡餐廳資料
餐廳名稱：大喜屋
餐廳地址：沙田沙田正街21-27號沙田廣場1樓33-35, 44-46號舖
營業時間：星期一至日 12:00-15:00 & 17:00-22:30
公眾假期 12:00-15:00 & 17:00-23:00
Post
