七月餐室 (Closed)

一向都好鍾意食呢間冰室，下晝嚟有特色嘅西多士，夜晚又有好味嘅小菜，真係食極都唔厭。🥢馬拉盞炒鮮魷韭菜花 $70即叫即炒，熱辣辣有鑊氣，不過上菜好快，夠晒效率。魷魚又爽彈又鮮甜，份量好多。韭菜花好甜，加埋惹味又唔太鹹嘅馬拉盞，送飯一流。仲送例湯同埋白飯，男仔都一定飽。例湯好足料，感覺上係冇味精，飲完唔會口渴。🥢奶茶紅豆冰 +$9我鍾意佢哋嘅茶底夠晒濃郁，啲冰融晒都唔會淡。紅豆煮得夠蓉，味道好香甜。呢度嘅奶茶紅豆冰比起其他地方好飲。