醒辰冰室 (東匯坊)

Open Now

Now Closed

今日喺鰂魚涌整完少少嘢之後就喺附近搵嘢食，見到呢個商場落去之後都有好多寶藏美食店，見到呢間西式嘅餐廳幾抵食，於是就諗住試吓。店舖唔大，但係環境幾好，有種Cafe感覺。《北寄貝菠菜蘑菇白酒汁意粉》$75套餐首先送來意大利菜湯，唔會好酸又多料。仲有蒜蓉包，好香好脆。而意粉整體都唔錯，麵條好掛汁，唔會太過醬口，岩岩好，同埋配料都好多，抵食！《焗法國春雞》$108好大隻！皮燒得好脆，仲有好多伴菜，配埋燒汁好好味！餐湯我哋加咗$15轉龍蝦湯，幾重蝦味，唔錯。《芝士焗菠蘿豬扒飯》$68超吸引，滿滿嘅芝士仲要焗完更加香，不過佢嘅飯底就唔係炒飯底，不過都有好多蛋碎，食起黎都香，豬扒厚又大件，唔會乾身，好味。最後就係甜品心太軟，焗得啱啱好，好濃朱古力味，呢餐真係抵食。