彩福欣宴 (Closed)

呢排食彩福個龍蝦食到上晒癮，一來真係超級抵食，二來佢煮得真係好高質，88蚊斤真係搵唔到再平。今日有位老友生日，就約埋一行四人黎到佐敦既分店到再食佢個龍蝦，8點黎到都已經幾多人下，建議想黎既朋友可以事先book定位。基本上次次去到我都會叫佢用芝士整隻龍蝦，不過今次有位朋友話想試下上湯煮，所以今次我地就叫左黎試下，同樣地加伊麵底係常識，因為撈埋個汁食真係世界級。除左龍蝦之外，我地仲叫左個炒通菜同埋一隻炸子雞，加埋每人一碗白飯，抵食又飽肚！