粉紅水門雞 (衍慶街) (Closed)

最近黎到新蒲崗搵食，見到有間好似新開定改名，價錢抵食，就一於試試～一開始先點左3個小食, 之後同朋友一人一個飯+一人一杯飲品。小食點左: 酸辣鳳爪辣得黎好惹味，青瓜沙律就唔算好食，芒果糯米飯係好正，芒果大大片，而且超甜，糯米同紫米帶有黏膩感, $18咋, 勁抵！粉紅水門海南雞飯 $36呢個係勁抵勁高質，雞既份量都算多，有成6件，每件肉質都超嫩滑而海南雞既sauce 少辣又惹味, 唔錯! 呢個價錢呢個質素真係冇得輸！咖哩牛腩飯$36 - 咖哩很香濃，牛腩亦很腍，唔錯~~真心, 呢間係抵食又夠飽, 好值得推介！