明珠閣 (Closed)

沙田新城市廣場嘅底層有一間明珠閣，其實係好似飲茶咁食點心嘅。佢地午市嘅套餐都幾抵食，有單人粉麵餐，或者有兩個人以上就可以試二人餐，就最抵食。佢哋嘅二人套餐，有燒味，自選嘅點心，同埋炒粉麵飯，都係百二三蚊到，兩個人食其實一定食唔晒！差唔多３個人黎，都可以叫一份二人餐再加一兩樣點心。呢度比較推薦嘅就係佢地嘅叉燒，全部厚切，同埋部位應該揀過嘅，都係帶少少肥的梅頭，如果散叫嘅話其實都幾貴。另外，當然仲有啲而家新興造型非常可愛嘅點心，好似依個一個雜錦三色包咁樣，最可愛嘅豬仔拎咗係手會係唔捨得食，餡料一般都係朱古力，豆沙，奶黃之類。如果行開附近要飲茶，其實可以一試，唔一定要上7樓去美心嗰度排隊啦。