初見

Open Now

Now Closed

「初見」在荃灣非常有名氣，知道旺角開左分店所以專登來一試。店舖地方唔大，不過裝修都幾有特色，鍾意佢部分位置有2層高嘅樓底，木系裝潢做主調，配搭綠色植物好有田園風格。午市套餐好多樣化而且價錢大眾化，有日式咖喱飯、豚骨拉麵、剌身壽司、燒物、煱物，竟然仲有漢堡添！ 我哋就叫左個海鮮丼同一個炒牛肉粒。特選海皇蟹刺身丼 $98啲個海鮮丼飯夠晒豐富，有帶子、松藥蟹肉、吞拿魚蓉，蟹膏、海膽，咁嘅價錢有咁多刺身真係好抵食👍🏻👍🏻 跟餐仲有碗麵豉湯添。鐵板炒牛肉粒配炒什菌椰菜 $80初頭以為會係鐵板上，原來已經炒好用木盤送上，賣相都唔錯。牛肉係勁有肉味而且夠淋好好味，用來送飯真係一流👍🏻 炒什菌椰菜份量都唔少，食完夠晒飽飽。温馨提示：托底嘅牛油紙比較薄，好容易會整爛，一不小心就會連椰菜一齊放埋入口，食嘅時候要注意😅跟餐仲有兩杯野飲，冷熱飲品都唔洗加錢。不過要注意餐廳係收加一服務費。