Video
Read full review
2020-07-01
2884 views
好耐之前已經聽過漁屋嘅放題 但其他分店都成日要排好長隊 所以就冇咩機會可以試下 今次難得去荃灣 而且午市又唔洗排隊 就決定要去試下漁屋嘅放題啦！首先講下環境啦 店面都算大 而且廚房喺附近 甚至有員工喺客人嘅枱附近嘅雪櫃直接沖野飲同整甜品 由於空間太細 仲會比客人睇到有少少手忙腳亂 今日就比我見到員工唔小心整跌咗馬卡龍 雖然冇跌落地 但直接將跌落枱嘅馬卡龍比客人 感覺唔太好啦 呢啲事情 其實如果喺廚房入面出現 唔比客人睇到 其實就完全冇問題 但比我見到就感覺唔太好啦呢間店嘅午市放題都幾抵食 $248一位 可以食好耐 落單就用QR code 點單方式都幾清晰嘅 而且都幾多唔同種類嘅食物 刺身款式多 而熟食 甜品 飲品等都好多選擇 性價比幾高 我地入座就係1230 但從相中可見 佢可以比我地食到1500 算好耐但除咗QR code裡面嘅甜品可以揀 其實另外仲有雪糕紙 可以比客人叫雪糕 可惜就要我地問先有 唔係好似平時放題咁 一入座就比埋你 建議可以一入座就比 客人就可以選擇食呢啲定係要食QR code裡面嘅甜品跟住就等我分享下食物啦！🤠刺身🐟我地叫咗少少刺身 三文魚質素正常 幾肥美 厚
首先講下環境啦 店面都算大 而且廚房喺附近 甚至有員工喺客人嘅枱附近嘅雪櫃直接沖野飲同整甜品 由於空間太細 仲會比客人睇到有少少手忙腳亂 今日就比我見到員工唔小心整跌咗馬卡龍 雖然冇跌落地 但直接將跌落枱嘅馬卡龍比客人 感覺唔太好啦 呢啲事情 其實如果喺廚房入面出現 唔比客人睇到 其實就完全冇問題 但比我見到就感覺唔太好啦
呢間店嘅午市放題都幾抵食 $248一位 可以食好耐 落單就用QR code 點單方式都幾清晰嘅 而且都幾多唔同種類嘅食物 刺身款式多 而熟食 甜品 飲品等都好多選擇 性價比幾高 我地入座就係1230 但從相中可見 佢可以比我地食到1500 算好耐
但除咗QR code裡面嘅甜品可以揀 其實另外仲有雪糕紙 可以比客人叫雪糕 可惜就要我地問先有 唔係好似平時放題咁 一入座就比埋你 建議可以一入座就比 客人就可以選擇食呢啲定係要食QR code裡面嘅甜品
跟住就等我分享下食物啦！🤠
65 views
0 likes
0 comments
刺身🐟
我地叫咗少少刺身 三文魚質素正常 幾肥美 厚身嘅 唔會切得好薄個種 我估真係三文魚 但吞拿魚腩真係唔得 好凍好硬 食到碎冰咁 而且有好多筋 好難咬
其他都正正常常 蝦都ok 三文魚幾好 建議唔好叫吞拿魚
31 views
0 likes
0 comments
同樣係刺身嘅仲有呢款泰式蝦 有辣嘅醬料搭配 呢個幾辣 但質素正常 唔會好伏 可以叫
40 views
0 likes
0 comments
壽司🍣
呢張相裡面嘅壽司 我覺得全部都正常 而且比起其他放題更好 份量唔會比得好少 有啲放題嘅壽司飯好細舊 而且魚會切得細份 呢到size係正常嘅 炙燒我覺得幾好食 有燒味 而且真係暖嘅 而花之戀其實幾好 夠大舊 平時其他放題嘅花之戀得十蚊銀咁大嘅size呢到只係細過拳頭少少 而且每一件都有兩三塊三文魚包住 冇hea客 而且我見到隔離枱有另一款貌似係有金箔嘅花之戀 好似係 都幾好 哈哈
29 views
0 likes
0 comments
壽司仲有呢碟 海膽加三文魚子同埋辣味三文魚嘅紫菜都脆嘅 但唔可以放太耐 我覺得辣味三文魚有少少太辣了 但只係因為我唔太食到辣 而炙燒牛 同兩款蝦都正常嘅 相中都可以見到
25 views
0 likes
0 comments
串燒🍢
鰻魚呢款幾好食啦 但另外叫咗嘅雞軟骨同埋燒蝦就唔得啦 冇味
28 views
0 likes
0 comments
炸物
叫咗呢個炸嘅波波 幾好食 幾甜而且夠熱 面頭唔會太油 推薦呢個
27 views
0 likes
0 comments
甜品🍨
呢個叫做明日世界 由四part組成 有旺旺雪餅 雲呢拿雪糕 士多啤梨pocky 莎莉蛋糕 但我自己就唔覺得每一樣嘢嘅味道都有少少怪 尤其係雪糕 有奶味 但又好似冇乜味 似溝稀咗好多嘅奶整成 而且好快溶 一開始唔知有杯裝雪糕 同埋雪條揀 所以先叫呢個甜品 如果一開始知道 我就唔會叫呢個啦
27 views
0 likes
0 comments
呢個分別係oreo奶凍 同 榴蓮糯米糍 都ok
24 views
0 likes
0 comments
最後就係雪糕 有movenpick杯裝雪糕 Dreyer's 雪條同埋haagen dazs揀 我地三個人同選擇haagen dazs 我食咗岩鹽焦糖雪條 有少少甜 但味道好好 推薦🍦
另外今日都有件幾得意嘅事情 就係有客人生日🎂 準備咗生日蛋糕 突然熄燈 播生日歌 生日歌仲有幾種語言 其他客人都祝福㊗️佢生日快樂 幾好笑 覺得幾溫馨 哈哈 不過完咗之後店鋪就繼續播其他歌啦 但啲歌係勁sad嘅純音樂😿
Post
