麻辣風雲 (荃碧大廈) (Closed)

近期興起食麻辣，第一次光顧這間店，吾錯喎！午市客飯價錢親民，值得一試。酸菜魚，選了小辣中酸味道，魚肉厚而彈牙，夠新鮮，多酸菜，薯粉比平時食的粗身和有咬口，吾錯。份量話就一人餐，夠兩人食。口水雞，麻辣汁味濃，雞味正常，未算好滑漏。夫妻肺片，當小吃，略嫌乾身左少少。借消費券宣傳，午市冇加一仲有九折。荃灣分店位置較偏，要行樓梯上一層，門面未夠顯眼。可能是閒日中午，客人不多。招呼就麻麻地啦！人手吾夠。衞生一般啦！似做街坊生意。整體色香味吾錯，會再幫襯。