炑八韓烤 (瓊華中心) (Closed)

🧈 蜂蜜牛油炸雞（4件）（$38）炸雞每件都大大嚿，炸得金黃香脆，而且炸漿薄，雞肉外脆內嫩，蜂蜜味道好出，牛油味道如果濃多少少就完美喇；薯條炸到外脆內軟👍🏻🍱 牛肉紫菜包飯（$48）紫菜包飯配料豐富，有蛋、青瓜、紅蘿蔔，醃蘿蔔同牛肉，未食已經俾佢五彩繽紛嘅賣相吸引，口感豐富👅 鹽蔥牛舌配迷你韓式麻藥蛋飯（$78）牛舌好鮮嫩，加上佢薄切嘅緣故，一燒好快就熟，而且調味啱啱好；雖則話係迷你飯，但飯嘅份量都唔少，韓式麻藥蛋外面係醬油色，溏心程度啱啱好，煮得好入味之餘味道香濃搶口，配上紫菜飯同牛舌一齊食，雙重滿足👅 石頭鹽燒牛舌飯（$78）牛舌飯係用石鍋上，熱辣辣，除左牛舌，仲有雞蛋、醃蘿蔔、菠菜，大豆芽同菇菌，份量十足，仲帶有少少香脆嘅飯焦，調味足夠嘅，如果個飯多返少少汁無咁乾就更好💙 藍天使梳打 （$12）佢其實係檸檬梳打，藍色嘅外表好吸引，梳打嘅氣好夠，飲落口十分舒爽🍊 手打鮮橙茶 （$12）鮮橙茶橙味香濃，而且甜度適中，入面仲有滿滿嘅橙肉，非常解膩🍨 焦糖脆餅雪糕杯（$38）有菠蘿，荔枝加上兩塊焦糖脆餅同雲呢拿雪糕一齊食，作為飯後甜品非常豐富同圓滿✨ 順帶一提，炑八嘅爐邊蛋，芝士粟米同前