泰COOL (鴻圖道) (Closed)

🍄🍄因工作關係，所以好多時都會係觀塘覓食，呢間黃店都幫襯過好幾次。試過唔同時段黎食，午餐、下午茶和晚餐。🍄🍄覺得佢既午餐和下午茶係抵食既！海南雞飯碟雞好大件，味道不錯！泰式雞肉炒金邊粉/銀針粉份量十足，而且🍄🍄覺得雞肉和銀針粉調味很配合，呢個可以再叫！炒粉麵係做得唔錯！另外香芒牛肉粒沙律，頗辣！食過幾次，有時味道有差別🤔，但記得第一次叫外賣食呢個時覺得超好吃的😋，可是最近一次堂食就覺得牛肉粒整得麻麻地🧐反而果冬蔭公湯湯粉係有點失望，最主要係果湯唔夠冬蔭既酸和辣味，太淡，如果泰式餐廳黎講做唔到係泰國飲果種味道！無論午餐或下午茶，叫了一個套餐可以另加錢再叫多其他小食，價錢好實惠，🍄🍄試過泰式蝦餅、魚餅咁，都值得一試！飲品方面選擇都多，試過三色冰、龍眼冰、青檸梳打、泰式奶茶…熱既如杞子茶等，整體上係ok既、但唔會有特別驚喜！如果係開觀塘呢頭番工，食晏都係一個唔錯既選擇，地方夠大，價錢幾十蚊大大碟！卡位係坐得舒服既！