神石燒牛扒水產專門店 (新達廣場) (Closed)

呢間係有午餐既燒肉，午餐都幾抵，好似我食呢個都係$89，已經有牛扒有牛舌，再食埋飯飲埋湯食埋沙律就岩岩夠晒啦！😻美國Prime牛扒Prime級係極級既牛扒黎架啦，牛扒厚厚地，一塊大大塊放係預熱既石板上面，上枱果陣已經燒緊，牛扒唔會太肥，有啲筋位，幾有咬口，肥膏位置可以燒到好香，牛味好濃，肉質都嫩既，燒到食之前加啲海鹽就得，唔駛好重調味都好食！😽美洲特級牛舌牛舌都唔薄，又夠晒大塊，少少脂肪痴住，燒出黎仲香，牛舌都幾嫩口，可以點啲燒汁食就更加香！呢度樓底都幾高，通風都做得幾好添，唔怕食完會成身肉味呀！