勝八鉄板串料理 (Closed)

係一般既日式料理裏面，價錢最貴一定係鐵板燒。因為除了食物外，仲有表演，可以欣賞佢一面燒一面食既氣氛。所以如果你晚飯食鐵板燒起碼要過千蚊。但是，如果你食午餐的話，價錢就會平一半或者以上！呢間餐廳之前家姐嚟過，佢話味道唔錯又抵食。打電話嚟訂位，食午餐原來宜家仲有85折，仲送每人一件黑松露牡丹蝦壽司，不過係限量，送完即止。睇下個menu, 個個餐都好似好吸引咁，我地揀咗一個A餐同一個C餐。每樣各有啲唔同，可以大家share食首先，先上刺身，有三文魚白魚甜蝦。每樣都有2件，新鮮爽口亦很肥美。根住就嚟左送既黑松露牡丹蝦壽司，牡丹蝦爽口鮮甜，但係配埋黑松露，黑松露味道很鮮很重，蓋過左蝦既鮮味。根住係鐵板串燒，有冬菇黑豚肉牛肋肉魚同海蝦。好欣賞呢到每款都有d，可以試多d款冬菇燒得好入味又夠軟熟，牛肋肉入味但係燒得耐左，有d老，魚味道清淡d，不過好在唔係好多骨。海蝦有淡淡既鹽味，味道清新鮮味。呢個係C餐既主菜，有大蝦銀鱈魚同鵝肝。大蝦好新鮮爽口，但係銀鱈魚燒得有d老，味道有點苦澀味。鵝肝配多士，鵝肝好香甘甜，多士仲有d甜甜地，令到個口腔充滿鵝肝既甘香。呢個係溫室野菜同牛肉厚燒。溫室野菜有瓜同菇。牛肉厚