滿江紅小甜甜 (Closed)

小甜甜係間川菜館，但佢既lunch menu選擇好多，湯粉餸飯都有，有辣有唔辣，飯餐會跟青菜一碟，同糖水一份。今日就揀左竹筒飯，上次兩點去到，竹筒飯已沽清，今次好彩嗌到最後一份。 竹筒裡面有花菇同魷魚等材料，味道十足，而且份量十足，有足足兩碗飯，一定夠飽。 至於糖水有3款可選，分別係蕃薯糖水、腐竹薏米同綠豆沙。 蕃薯糖水，夠薑夠辣;薏米清甜潤躁，係我至愛! 一餸一飯一糖水都只係42蚊，抵食!如果唔想食糖水，可以轉飲品。