籽苗葉泰國餐廳

Open Now

Now Closed

今日又到悅來坊附近，之前試咗幾間餐廳，今日太太話想再試新嘢，繞咗一個圈，見呢間餐廳都幾多人，不如就試下佢。餐廳裝修簡潔，地方都算大，空間感都幾好，不過可能係我地都算剛過午飯時間，所以唔會太逼。太太點了豬排湯檬，平日佢鐘意凍檬，但今日天氣轉冷，要食個熱湯，豬排賣相吸引，太太話雖然唔係碎上，不過都有切開幾刀，而且唔會好難咬，豬排都算嫩口，亦煎得好香口。35元連一杯飲品，的確抵食。我就點了個印尼炒飯，炒飯唔係濕立立，跟串燒，雞翼同煎蛋，炒飯粒粒分明，亦都好有鑊氣，跟一碗蓮藕湯，再加一杯飲品，50元，真心抵。飲品，我點了芒果橙汁，唔算太甜，不錯，太太點了龍眼水，入面有紅棗，適合女士，而且不太甜，不錯。