Video
Read full review
2018-09-22
518 views
午餐時間一到就入左去北京老家等食lunch！入到餐廳發覺環境古色古香，裝修有特色。每張台都有個小水缸，入面養左兩三條金魚仔，增添左生氣。但係就有一浸味～除左裝修特別之外，所用既餐具都係訂製，印左餐廳名嫁。而相入面既茶係麥茶，幾好飲！Order左一個小菜飯餐，一個麵食配水餃餐。餐湯最快到。餐湯係中式羅宋湯，配料有牛肉、薯仔、椰菜、蕃茄等。牛肉份量有三至四塊，雖帶牛味，但略嫌鞋口同韌。薯仔唔錯，夠淋夠粉。椰菜、蕃茄正常味道。湯水一睇就知伏，所以淨係食配料冇飲到。牛𦟌麵配韭菜餃既lunch set黎啦！牛𦟌份量唔少，有六片，不過係薄切。雖然牛味濃郁，但欠缺口感。小棠菜有三條，煮既時間啱啱好，菜仲保持到爽脆口感。湯底無論睇落定食落都好清，感覺幾健康無咩油。最驚喜既係麵條啦！麵條係即叫即整嫁，因為果陣得好少客好清淨，我聽到廚房拍麵既聲><麵條似上海麵，形狀係幼版烏冬，食落帶少煙韌，唔會煮得過淋失去咬口，即使我影左一陣相，唔係即食都無浸到變淋，做得好好！牛𦟌麵中規中矩，唔會好好食，又唔會覺得難食。麵條做得出色，抵讚！韭菜餃令我好失望上到台，三隻餃子全部穿曬皮，煮過左龍。因為穿左皮，
入到餐廳發覺環境古色古香，裝修有特色。
每張台都有個小水缸，入面養左兩三條金魚仔，增添左生氣。但係就有一浸味～
除左裝修特別之外，所用既餐具都係訂製，印左餐廳名嫁。
而相入面既茶係麥茶，幾好飲！
Order左一個小菜飯餐，一個麵食配水餃餐。
餐湯最快到。
餐湯係中式羅宋湯，配料有牛肉、薯仔、椰菜、蕃茄等。
牛肉份量有三至四塊，雖帶牛味，但略嫌鞋口同韌。
薯仔唔錯，夠淋夠粉。
椰菜、蕃茄正常味道。
湯水一睇就知伏，所以淨係食配料冇飲到。
餐湯
15 views
0 likes
0 comments
牛𦟌麵配韭菜餃既lunch set黎啦！
牛𦟌份量唔少，有六片，不過係薄切。雖然牛味濃郁，但欠缺口感。
小棠菜有三條，煮既時間啱啱好，菜仲保持到爽脆口感。
湯底無論睇落定食落都好清，感覺幾健康無咩油。
最驚喜既係麵條啦！麵條係即叫即整嫁，因為果陣得好少客好清淨，我聽到廚房拍麵既聲><
麵條似上海麵，形狀係幼版烏冬，食落帶少煙韌，唔會煮得過淋失去咬口，即使我影左一陣相，唔係即食都無浸到變淋，做得好好！
牛𦟌麵中規中矩，唔會好好食，又唔會覺得難食。麵條做得出色，抵讚！
韭菜餃令我好失望
上到台，三隻餃子全部穿曬皮，煮過左龍。
因為穿左皮，啲汁走曬出黎，我無辨法試到佢真正既味道
皮既厚度適中，菜肉比例平均，帶有少少湯汁，味道就唔算太濃，清清地，唔知係咪因為穿左
而醋就幾好味。
仲諗住一試餃子睇下係咪夠出色，可惜全部穿曬皮，但見隔離台啲就好完整好靚，希望下次唔好再比啲穿左皮既餃子客人食
牛𦟌麵配韭菜餃
$52
25 views
0 likes
0 comments
糖醋魚片配白飯
糖醋汁本身就酸酸甜甜，好開胃，無論點整都好難難食，仲好啱送飯添！
糖醋汁味道酸甜適中，無互搶味道。
魚片份量唔少，比得大方，有八、九塊，但魚片就唔算太新鮮，魚肉質地較淋身，無左口感。如果變左係糖醋肉，口感會較好同較滿足。
配料有青椒、紅椒、洋蔥、菠蘿等，正常水準。
白飯夠熱，軟硬適中，唔錯！
整體味道唔差既，但唔係我食過最好味既糖醋菜式～
糖醋魚片
$58
47 views
0 likes
0 comments
飯餐仲送糖水，是日糖水係椰汁西米露。
椰汁係溝水既，西米過淋，試左一啖就冇食了～
椰汁西米露
27 views
0 likes
0 comments
整體味道不過不失，未去到好驚喜(本身期望都幾大)
小菜份量唔少，個人認為抵食過麵食，一個人食一個小菜餐會好飽。
可能我唔好彩啦！隔離台既糖醋魚片仲大碟同靚啲，餃子都完完整整
走果陣見到有人食糖醋排骨，經過都聞到醋既香味，本身今次想試但最尾冇叫到，好後悔！
所以我決定比多次機會佢平反，下次要試埋佢個糖醋排骨同炸醬麵
Post
