Video
Read full review
2020-04-07
317 views
今日晏晝嚟咖啡灣食午飯，只係得幾台客，要多多支持。本身叫咗兩個午餐，點知嗌完先話午餐餐牌錯咗，換咗個新餐牌俾我哋重嗌。我朋友照嗌午餐，但我改散嗌，咁就冇餐湯同餐飲。說時遲那時快，兩杯頭先落嘅午餐餐飲就黎到，店員好慷慨咁送杯餐飲俾我，開心😂餐飲係生薑伯爵茶，我覺得有少少甜，如果甜度可以自己控制就更好。我接受薑味，但朋友話薑味比較重。餐湯細細碗，但已經足夠，好多時好大碗嘅餐湯我飲完已經飽咗。忌廉湯質素正常，有少少火腿同粟米粒，增加口感。和牛漢堡質素幾好，漢堡扒唔會太乾，雖然未至於有肉汁流出來，但配埋茄醬食落幾好味。薯條暖暖地，但未至於十分香脆，可以再香脆啲。整體而言，都算抵食。如果散嗌點餐飲唔使正價就更加好。另外，非常鍾意餐廳嘅佈置，好有💛！
今日晏晝嚟咖啡灣食午飯，只係得幾台客，要多多支持。
本身叫咗兩個午餐，點知嗌完先話午餐餐牌錯咗，換咗個新餐牌俾我哋重嗌。我朋友照嗌午餐，但我改散嗌，咁就冇餐湯同餐飲。說時遲那時快，兩杯頭先落嘅午餐餐飲就黎到，店員好慷慨咁送杯餐飲俾我，開心😂
餐飲係生薑伯爵茶，我覺得有少少甜，如果甜度可以自己控制就更好。我接受薑味，但朋友話薑味比較重。
餐湯細細碗，但已經足夠，好多時好大碗嘅餐湯我飲完已經飽咗。忌廉湯質素正常，有少少火腿同粟米粒，增加口感。
和牛漢堡質素幾好，漢堡扒唔會太乾，雖然未至於有肉汁流出來，但配埋茄醬食落幾好味。薯條暖暖地，但未至於十分香脆，可以再香脆啲。
整體而言，都算抵食。如果散嗌點餐飲唔使正價就更加好。
另外，非常鍾意餐廳嘅佈置，好有💛！
Post
