Video
Read full review
2020-10-14
329 views
閒日1pm左右經過，見唔駛等位，午餐價錢又相宜，於是就初次幫襯。原本想叫嘅三文魚腩飯已經賣哂，於是改叫雜錦魚生飯（已經係最後一客）。午餐跟一碗麵豉湯，湯入面有幾隻蜆肉，相當有誠意。魚生飯上桌，比預計的豐盛，有牡丹蝦、三文魚、北寄貝、吞拿魚蓉、雞蛋燒、芥末八爪魚、魷魚、蟹柳。牡丹蝦夠大隻夠甜美，三文魚又肥又厚，芥末八爪魚雖然唔係咩貴價嘢，但係我不嬲都鍾意食，雞蛋燒頗有驚喜，有一種微焦嘅味道。若要吹毛求疵，就係我個人向來唔鍾意食假蟹柳，唔知下次可唔可以走蟹柳換多片蛋呢？整體分量幾夠，男士應該都夠飽。環境係街坊小店，算乾淨企理，服務唔錯。埋單$70唔駛加一，性價比高。
原本想叫嘅三文魚腩飯已經賣哂，於是改叫雜錦魚生飯（已經係最後一客）。
午餐跟一碗麵豉湯，湯入面有幾隻蜆肉，相當有誠意。
魚生飯上桌，比預計的豐盛，有牡丹蝦、三文魚、北寄貝、吞拿魚蓉、雞蛋燒、芥末八爪魚、魷魚、蟹柳。
牡丹蝦夠大隻夠甜美，三文魚又肥又厚，芥末八爪魚雖然唔係咩貴價嘢，但係我不嬲都鍾意食，雞蛋燒頗有驚喜，有一種微焦嘅味道。
若要吹毛求疵，就係我個人向來唔鍾意食假蟹柳，唔知下次可唔可以走蟹柳換多片蛋呢？
整體分量幾夠，男士應該都夠飽。環境係街坊小店，算乾淨企理，服務唔錯。埋單$70唔駛加一，性價比高。
$70
11 views
0 likes
0 comments
Post
