泰發泰國餐廳 (滿利大廈)

Open Now

Now Closed

做完野到附近搵食，見有間新開嘅泰國菜，睇睇餐牌都幾啱食，就入去試下先。兩點幾餐廳無乜人，食到一半就多返啲人入黎食野。小店坐位不多，新開張感覺都幾乾淨，燈光夠冷氣足。枱上放著餐具，如有需要，可以問店員搵熱水洗一洗。加錢轉了特飲鹹檸七，鹹鹹地真係幾好飲，略略細杯左少少，可能天氣熱特別想飲凍飲啦。點了午餐的泰式炒金邊粉，即叫即炒香噴噴喎。份量好大碟下，配料有雞脾肉，豆腐乾，蛋絲，韭菜等。認真睇下仲有不少芽菜，賣相很不錯。金邊粉炒得香口不油膩，入口酸酸甜甜好適合夏天食。食到一半仲見唔少蝦乾仔，鹹鹹香香另碟金邊粉更有層次，真係幾好味㗎。另加了一份小食泰式炸皮蛋釀蝦餅，蝦餅很彈牙，即炸的十分香脆，皮蛋微微瀜化有少少流心，點埋個甜酸醬好正。朋友黎左又加一份芒果糯米飯share下，呢度個糯米飯彩色㗎，啱哂打卡呀。糯米飯軟綿綿的，口感好正。有一整個芒果，芒果好甜正喎。最好係好多椰醬，甜甜鹹鹹咁，加上糯米飯到特別好味。好味好味，又多間泰國菜選擇啦。