嵐川日本串燒 (Closed)

堅尼地城日本串燒小店，位於西環一條好多餐館嘅小街😋。門口係一道好細嘅趟門，好有日本居酒屋嘅感覺，經過小街唔細心留意，好難睇到餐廳門口。🤨餐廳入面有多款串燒同午市便當、午市定食套餐，但因為之後要趕住返工嘅關係 😌，只係叫咗個午市定食套餐 “照燒雞扒定食”。😙可能午餐時間太多人，全部枱坐滿哂，等咗15分鐘先上餐。😲先上麵豉湯，味道尚算可以。再上定食，有前菜沙律菜、蕃茄。另外有一份多件照燒汁雞扒，照燒汁好濃味，雞扒份量有2層。同一碗好大碗嘅飯。飲品選擇咗青檸梳打。🤤套餐份量夠多，食完攬住個肚走🤰。而且日本餐廳午市唔需要加一，抵食。😉