味來中菜餐廳 (Closed)

阿女一放學話好餓，因為疫情反彈學校取消帶食物返學校食茶點，甘就系學校附近搵間茶廳醫肚😂經過味來中菜餐廳，門口餐牌有柱侯牛腩，阿女最愛菜單之一。入到去服務遠態度非常好，重一直贊我女有禮貌。店內環境舒適，座位闊落，一Ｄ都唔逼。柱侯牛腩午餐（HKD 55）：首先上一碗蘿蔔湯，一大碟蘿蔔牛腩，分量多，牛腩好淋，好好味，蘿蔔多汁，加5蚊可以轉支裝汽水。乾炒牛河午餐（HKD 58）：牛河好有鑊氣，牛肉又嫩又滑，分量多，好大一碟，味道又好，加多3蚊轉凍奶茶。整體來講價錢實惠味道好，分量多好抵食。