第三站

好耐沒有嚟station 3朝聖，有D掛住，今天卜咗吃午餐。大约1點到達餐廳，已經坐滿一半人客，餐廳佈置簡單為主同好光猛。原來午市有幾款套餐選擇，於是order 咗一个煙三文魚蘑菇忌廉燴闊條麵加38元包田園沙律同蛋糕1件，海鮮拼盤，日式餃子，飲品叫咗西班牙雪糕咖啡走奶/焦糖朱古力。田園沙律，配上美味芝麻醬，超好味，沙律菜超級新鮮👍👍👍海鮮拼盤有五種唔同嘅炸物，有帶子/蟹鉗/蝦/蠔/魚手指，大致上都好食，可惜粉漿略嫌厚左些。煙三文魚蘑菇燴闊條麫，煙三文魚好鮮甜，加上濃郁蘑菇，麫條感覺好煙韌，初睇以為好細碟，其實分量都唔少，抵食🥳日式餃子，賣相唔錯，一碟有6隻，咬落好juice 😋👇甜品系朱古力芝士蛋糕，好軟綿不太甜，好好食😋西班牙雪糕咖啡走奶，見到個名咁特別當然要試下，嘩嘩嘩！店員送上飲品時見到雪糕球超大個放在杯口，填到滿滿，好震撼，雪糕混合西班牙咖啡，感覺好特別好好飲，真心好飲又唔會令到咖啡味失色，真心推介🥳🥳🥳反觀焦糖朱古力就失色好多，雖然打咗好多cream，反而飲落去覺得有啲膩，感覺一般。