泰Grill (天晉匯)

星期日放假同屋企人去將軍澳行街，中午黎到泰Grill食午餐。食物款式種類豐富，有多款泰式沙律、小食、海鮮、飯麵、甜品同飲品，另外都有假日午市套餐。🍴炸蝦餅(跟餐加$28)蝦餅外皮香脆，蝦膠厚肉彈牙👄🍴炸春卷(跟餐加$18)岩岩炸起熱辣辣🔥包住滿滿既蔬菜，配泰式辣醬，食落冇咁油膩~🍴蛋包虎蝦炒金邊粉套餐($138)虎蝦開邊，炸得幾香口，肉質幾爽口。金邊粉炒得夠乾身👍🏻調味酸酸甜甜，幾開胃💁🏻‍♀️旁邊更有青檸、辣椒粉同花生碎，可以自行調配適合自己既口味。套餐可配青木瓜沙律或冬陰功湯，兩者味道都唔錯👐🏻🍴手打青咖喱雞肉米線套餐($75)青咖喱甜甜地、微辣、幾香椰汁味👅質地好似湯咁較為稀身，配米線幾夾👍🏻另外仲有雞肉、雞蛋同豬紅，配料幾豐富😆🍴芒果糯米飯(跟餐加$38)芒果酸甜適中，糯米飯暖暖地，口感煙韌👅配埋大量既椰漿，唔錯👍🏻🍴龍眼冰(跟餐加$15)龍眼冰叫左少甜，甜度適中，清甜消暑~🍴凍泰式奶茶(跟餐加$5)泰式奶茶甜度本身比較高，建議唔太鍾意甜嘅朋友仔可以叫返少甜，奶茶口感幾滑😋奶香味重。