Rang Mahal Authentic Indian Cuisine (Closed)

中環有好多特色食肆，估唔到隱藏左一間又地道，又抵食嘅印度餐廳。喺中環北京同仁堂轉彎就會見到間印度餐廳。地點真係好方便。一入到去見到餐廳嘅佈置，已經覺得置身喺印度，而且仲有一位好有禮貌嘅人招呼我哋。菜式有好多選擇。有檸檬茶任飲，檸檬茶唔係太甜，既清新又開胃。首先係頭盤，有沙律同烤餅，烤餅又薄又脆仲好香胡椒味添。食印度菜梗係唔少得咖喱，首先以蔬菜為主，有薯仔、豆同豆角，豆角煮得好林好好味，薯仔索晒啲咖喱汁好好味。之後都有肉類嘅咖喱，炸魚一定要食，炸得好脆，仲細細舊可以一啖一舊添，咖喱有牛同咖喱雞，所有肉類都煮得好林好有咖喱味，所有咖喱都唔係好辣。仲有啲特色食物。有炒飯同埋印度薄餅可以配咖喱食，炒飯啲米好煙韌好有咬口，印度薄餅都有兩種選擇，原味同蒜味，蒜味好香口。最後梗係要食返個甜品啦，有個甜湯圓同糖水，個甜湯圓好特別。整體食物都唔錯，每位都係＄88位(需加一)。