沙士亞印度餐廳

Open Now

Now Closed

同朋友行完銅鑼灣Donki Donki突然間好想食啲印度野做晚餐，行下行下經過望到對面二樓有，就上去試下，餐廳裝修係傳統嘅印度風格，見2人晚市套餐做緊優惠原價$378而家只需要$248就叫左呢個試下，前菜有胡椒薄餅，胡椒味勁濃配上少少香草醬開胃一流另外仲有頭盤羊肉咖喱角，餡料既羊肉望落好似豬肉鬆，咖喱角咬落鬆，唔會好油膩主菜我哋揀咗雜菜咖喱同瑪沙拉燴雞，兩個望落去差唔多樣雜菜咖喱用了新鮮蔬菜咖喱辣好岩我口味配埋焗到香噴噴嘅蒜蓉烤餅，真係停唔到口，瑪沙拉燴雞，咖喱嘅味道同雜菜咖喱差唔多，雞肉問得好淋夾蒜蓉烤餅定係配印度黃飯，都無彈食完啲咁刺激嘅嘢就要叫返一杯酸酸地嘅 Mango Lassi黎平衡一下。