Lemongrass (Closed)

到奧海城逛街，見到餐廳門外擺住個牌，有個抵食龍蝦一人前，只收$98， 可選冬陰公煮、咖哩炒或鹹蛋黃炒㖭，仲可以配白飯或馬來鬆餅，真係幾抵食喎，就同朋友入去試下食呢個抵食龍蝦。可能時間尚早，餐廳冇乜人，仲唔使排隊，但七點半之後，就已經座無虛席喇。原隻龍蝦一人前真係有成隻龍蝦，我揀咗用蛋黃炒，貪佢特別啲，果然冇選擇錯，因為蛋黃嘅鹹香，同隻龍蝦好夾，龍蝦好新鮮，啖啖肉，只收$98， 而且仲可以揀配白飯定馬來鬆餅，真係非常抵。鮮菠蘿海鮮炒飯炒飯跟原隻菠蘿上，外型好煞食，飯面嗰隻蝦，直情係珍寶蝦， 材料除咗海鮮之外，仲有鮮菠蘿粒、提子乾……， 甜甜地，好好味。加上飯炒得乾身，粒粒分明，馬拉盞炒泰國椰菜苗椰菜苗炒得火候剛好，爽脆無渣，而且顏色青綠，好吸引。加上馬拉盞味香，而且不過鹹，食得炒通菜多，呢個係更佳選擇。椰汁千層糕椰味濃，QQ的，上桌時仲係暖暖地，少少甜，比較適合不愛太甜的我。總括來說，這間泰國菜館食物幾正宗，味道唔錯，有機會下次會再來嘗試其他菜式。