Video
Read full review
2019-05-26
610 views
媽媽好鐘意食泰國野，見到有未試過嘅泰國野，梗係要捉下媽媽去試下呢。調景嶺呢間泰原味，餐廳都幾大下，座位數量都幾多，而座位同座位之間有一定距離，有一定私隱度，我地簡左梳化位去坐，貪佢舒舒服服，又夠哂多空間可以放野。Menu上面都有勁多選擇，侍應亦都好有禮貌同熱情咁我地介紹食物。雖然我地只係得2個人，但我地都叫左幾多野食下，事關價錢都幾平，搞到我地叫起上黎好似唔洗錢咁，哈哈。我地叫左金柚子沙律、椰香青咖哩雞、蒜蓉炒芥蘭、泰式鮮蝦金邊粉同印式燒餅。金柚子沙律 $58去親泰國餐廳就好鐘意叫呢個沙律黎食，個沙律色彩繽紛材料豐富，有柚子、腰果、車厘茄、乾蒜等拌埋一齊，食落有少少辣，配埋柚子，酸酸甜甜、辣辣地，口感不錯，清涼又好食，仲好開胃添，夏天非常岩食！椰香青咖哩雞($68) 配 印式燒餅($25)青咖哩雞，咖喱香氣四散，因為有椰汁嘅關係，雞肉入口會滑好多，而雞肉入口都幾嫩滑，青咖喱帶微辣帶少少甜度，食食下忍唔住叫多左個燒餅黎沽咖哩汁食。蒜蓉炒芥蘭 $68平時食街食多好少有機會食菜，泰國餐廳點都一定會有菜食，多多少少都要食返啲菜balance XD，呢度嘅芥蘭本身夠新靚夠綠，入口好爽唔會帶苦，帶
媽媽好鐘意食泰國野，見到有未試過嘅泰國野，梗係要捉下媽媽去試下呢。調景嶺呢間泰原味，餐廳都幾大下，座位數量都幾多，而座位同座位之間有一定距離，有一定私隱度，我地簡左梳化位去坐，貪佢舒舒服服，又夠哂多空間可以放野。Menu上面都有勁多選擇，侍應亦都好有禮貌同熱情咁我地介紹食物。雖然我地只係得2個人，但我地都叫左幾多野食下，事關價錢都幾平，搞到我地叫起上黎好似唔洗錢咁，哈哈。
我地叫左金柚子沙律、椰香青咖哩雞、蒜蓉炒芥蘭、泰式鮮蝦金邊粉同印式燒餅。
金柚子沙律 $58
去親泰國餐廳就好鐘意叫呢個沙律黎食，個沙律色彩繽紛材料豐富，有柚子、腰果、車厘茄、乾蒜等拌埋一齊，食落有少少辣，配埋柚子，酸酸甜甜、辣辣地，口感不錯，清涼又好食，仲好開胃添，夏天非常岩食！
椰香青咖哩雞($68) 配 印式燒餅($25)
青咖哩雞，咖喱香氣四散，因為有椰汁嘅關係，雞肉入口會滑好多，而雞肉入口都幾嫩滑，青咖喱帶微辣帶少少甜度，食食下忍唔住叫多左個燒餅黎沽咖哩汁食。
蒜蓉炒芥蘭 $68
平時食街食多好少有機會食菜，泰國餐廳點都一定會有菜食，多多少少都要食返啲菜balance XD，呢度嘅芥蘭本身夠新靚夠綠，入口好爽唔會帶苦，帶左少少泰式調味，蒜乾係精粹，簡簡單單就吊到D味出黎。
泰式金邊粉($68)，$70蚊都唔洗就有，份量超大，我諗俾4個人食都仲係夠食，好抵食，店家落好多料俾我地，雞肉、蝦仁、芽菜、炒蛋、韮菜，金邊粉炒得非常有火喉，金邊粉會有D脆口GE感覺，而調味方面亦剛剛好，唔會因為落得太多蕃茄汁而太甜。好食！
呢度嘅野都幾大件夾抵食，岩哂一家大哂黎食。
Post
