炯記手撕雞 (汝州街) (Closed)

炯記之前在荔枝角食過好味又抵食，今日同朋友來到深水埗都知道這間有分店就和朋友來吃，地鐵站行過來都十分方便。 朋友喜歡食燒鵝，見有煙薰燒鵝飯出名就叫了再加凍飲檸檬茶，燒鵝來到原來是脾位啖啖肉，燒得好香口，皮不會好多肥膏又夠脆口，飯份量勁多，最都食不完添。凍檸檬茶味道少甜岩我，茶底不錯。 清湯牛魔王轉了米粉，牛腩和牛肚入味，配上辣椒油最正好惹味，米粉份量多都嚇一嚇，最後我們仲餘半碗，凍奶茶奶味都夠少甜可以。 見到小食十分便宜就叫了3款沒想到每款$20都份量十足，酸辣雲耳少辣帶少酸剛好，雲耳細粒入味。爽口士豆絲酸度比較重所以好開胃。這個冬菇扒生菜真心推介因好少可有冬菇仲有菜都這價，而且十分足料，冬菇炆得淋身入味。