龍門小棧 (Closed)

朋友曾經講過有間好味又抵食嘅上海菜館，叫做龍門小棧，咁啱今晚同事話想試吓，我哋放工就一齊去食晚餐！餐廳環境寬趟座位舒適。上海擔擔麵，有惹味的肉碎、爽滑的麵條加上充滿濃郁麻香及帶少許麻辣的湯底，十分惹味！酸辣湯麵，酸辣湯辣度不是很重，易於入口又不失惹味。材料方面很足，有肉絲、筍絲、冬菇、木耳等,喝下每一口湯的時候可以感受到木耳的爽脆，麵條幼滑，口感彈牙，感覺不錯。金網鍋貼，金黃色的鍋貼都好大隻，底部煎得非常香脆可口。豬肉餡料味道鮮甜。上海小籠包，皮薄餡鮮，包內的肉汁很多，是清香的雞湯味道。肉質亦十分細嫩。炸銀絲卷，把炸的酥脆又帶點鬆軟的銀絲卷搭配煉奶，味道甜美，可作飯後甜點！