熊貓小雲吞 (慈雲山中心)

Open Now

Now Closed

放假去慈雲山探下舊同事，佢話天氣熱唔好煮飯，同我去慈雲山中心食嘢，佢知我鍾意食雲吞，就去咗熊貓小雲吞食，餐廳主打細細粒手工小雲吞、涼皮同麵食等等，有不同的餡料、配菜及湯底，環境都乾淨，燈光明亮。以自助形式運作，先去收鋃處落單比錢，之後就去搵位，再去拎嘢食。一口鮮蝦豚肉雲吞20隻，雲吞細細粒，剛好一口一粒，食落個皮好薄好滑，餡料鮮肉中間有蝦肉，味道鮮美，配蝦米紫菜湯，加埋d 芫茜蔥真係好香好鮮甜。卜卜脆炸鮮蝦雲吞，小雲吞即叫即炸，熱辣辣好香脆，加埋酸甜醬味道更佳。一口豚肉雲吞上海麵，揀咗粟米豚肉雲吞，口口雲吞都食到豚肉鮮粟米甜，湯底揀咗清雞湯，配滑溜的上海麵，十分美味！外婆紅燒肉油蔥酥熱撈粗麵，紅燒肉香甜鬆軟，入口即化，肥而不膩。油蔥酥配上滑滑的粗麵和花生等，味道香濃又有口感。芝麻鹽焗手撕雞，雞肉入味又嫩滑，撈埋青瓜絲好爽口！有店內有多款自家製醬料出售,買咗其中一款辣椒油，食麵時食過，味道又香又辣，好惹味！