魚米 (Closed)

今天一位舊同事因工作關係，去到我工作附近，約我吃飯，所以㨂左魚米，幸好她早去可以取得卡位，坐得舒服D。我們揀左兩款不同的飯，包括：果醋豬軟骨菜飯配熱檸水$45及果醋汁豬扒飯配熱檸水$42。叫左一陣好快有得食，不過仍然熱辣辣，非常好味。果醋豬軟骨，D肉好軟熟，少少酸，又不會太肥，超好味，菜飯又大大碗。果醋汁豬扒又好多快，飯也是大大碗。豬扒肉非常厚，但又不會太韌，幾好味，不過如果豬扒可以薄少少就更加好。食完真係好飽，$40幾蚊好抵食。