台北人 (Closed)

台灣人主理台式外賣店！一個台式便當就帶咗我「返鄉下」！細細個第一個自己話事自己plan嘅旅行就係去台灣，寶島係唔少香港人嘅「家鄉」，捕到快閃隨時weekend兩日一夜話走就走，假都唔駛請就飛去掃街幾咁爽皮！But，呢啲都係old story，呢幾年大家想念夜市同台灣菜都只能用食物作慰藉。呢間開喺黃埔neighborhood嘅台式小店只做外賣，不過個裝修真係值得讚，亦係引起我好奇心去試試嘅主要原因。木系門面設計，一個個木牌寫上各樣令人想念嘅台灣菜式，同樣嘅木系長凳上個黑板嘅手畫餐版，成個部局簡潔俐落得嚟都幾有feel。當日order嘅係最經典嘅 #雞腿便當，追加小食 #酥炸花枝丸 同 #芝士肉鬆蛋餅。大家都知台式便當都好講究賣相，所以便當一啲都唔係䈋，有晒擺盤而最吸睛嘅當然係望住店家即叫即炸嘅原塊炸雞腿！新鮮出爐超級香，即食真係好有夜市feel，炸粉好薄但又做到外脆內juicy爆汁！side 有埋滷蛋、椰菜同粟米，超級大份！小食花枝丸同蛋餅當然都係即叫即製，味道同質素都好貼近台灣，便當仲包埋飲品冬瓜茶，價錢公道，我覺得整體係有heart有誠意嘅！