大排檔小炒 (金豐商業大廈) (Closed)

我地一行4個人叫左8 個菜仲有叫野飲，每人300蚊有找。三個字，平靚正！落單叫野食到上菜大概15 分鐘左右。第一道菜叫左黃金蝦，淨係睇數量已經知抵食，有成8隻咁多😂😂😂😂而且係夠脆夠香口。椒鹽粟米有少少失望，唔夠香。啫啫炒通菜，正常野～咕嚕肉啖啖肉！ 我好怕食到好多炸粉既咕嚕肉。但呢間既咕嚕肉，夠啖啖肉，而且炸得透，正炒麵少少失望，唔夠乾身。椒鹽鮮魷唔夠脆。普通。但真係好大份，100 蚊唔使，但勁多舊，最後食唔晒😂。香蔥桶蠔，普通。