JC Room (Closed)

朋友介紹左好耐，終於可以約齊人來哩間jc room 試距地牛T骨啦⋯⋯我地來到唔需要等位，位置不難找。一進門店雖然細細間，但好有氣氛，每台都有少少蠟燭。我地叫左碳燒美國安格斯牛T骨，碳燒紐西蘭肉眼扒，白味噌比目魚，藍芝士卡邦尼意粉，海鮮墨汁意粉⋯每個餐均附送餐湯和飲品。總體對哩個食物評價都不錯，尤其係個比目魚同牛T骨，餐湯南瓜湯好好味。食完飽飽行街去。碳燒美國安格斯牛T骨：一上台好大塊，我地叫左7成熟，啱啱好，肉質好嫩滑，配上黑椒汁味道勁正。白味噌比目魚：賣相好靚，對得起哩個價錢，好鮮，好香同好滑，完全無骨。紐西蘭肉眼牛扒：牛扒配上外脆內軟薯條，絕配，哩個比T骨仲要嫩，好多汁，好味道。藍芝士卡邦尼意粉：比一般食開意粉芝士味濃好多，意粉質感好彈牙，配上芝士汁好味。海鮮墨汁意粉：距係非一般墨汁意粉，意粉係黑色，意粉汁就係白汁芝士，好味道。南瓜濃湯哩個南瓜湯勁推介，甜甜的，滑滑的，仲好香奶味。