Masala Hut & Cafe (Closed)

平時buffet 食得多，印度菜自助餐都係第一次食，而且價錢好抵，$110一位午市自助餐。十分推薦比食印度菜新手，因為可以樣樣試吓，睇吓邊樣岩食。.自助餐每位包一杯飲品，除咗擺喺出邊嘅印度菜之外，仲可以任點蒜蓉薄餅，另外仲有一位廚師會起泡邊煎印度脆薄餅，好好食！好香好脆而且中間係包住啲咖喱薯仔同雜菜，我連續食咗2份😂。.自助區有沙律、印度乳酪（入面有啲椰絲，口感特別）、仲有各款咖喱例如咖喱雜菜、咖喱雞、咖喱羊、烤雞肉、春卷、咖喱角、masala chicken ，款式都有好多有辣或者唔辣嘅咖喱。而且味道都好正宗好濃味！