Trattoria Kagawa by Mihara (Closed)

週末同朋友去左呢間位於灣仔船街嘅餐廳試左佢地個Weekend brunch。除左有六款前菜（包括洋蔥湯、唐揚炸雞、椰菜花天婦羅、鐵板炒墨魚、白酒青口）任食，仲有2款超好味Main Courses，餐廳環境好適合大家傾吓偈飲下酒！前菜全部都係酒店級質素，以下兩款真係值得一讚，總共叫左2 rounds:🟣唐楊炸雞餐廳嘅炸雞係即叫即炸，熱辣辣上碟，而且雞皮炸得好薄，平時唔食皮嘅我都忍唔住食晒。另外，餐廳仲提供他他醬同芝麻醬，雖然邪惡但真係好好味！😍😍😍🟠鐵板炒魷魚鐵板係餐廳嘅賣點之一，墨魚好彈牙，同洋蔥汁好夾，亦都好啱配酒一齊食😍😍😍而主菜就揀咗以下兩款：🔵Sukiyaki Sirloin Roll薄切和牛加埋芝士、金瓶牛蒡同红蘿蔔絲一齊食，將成個層次提升左，一啲都唔油膩，而且和牛真係走到入口即溶，同芝士一齊夠晒滋味！👍🏻👍🏻👍🏻🟡Smoked Iberico Pork Collar豚肉揀咗油脂比較高嘅部位，果然冇失望，一咬入去竟然有溶化嘅感覺，仲以為食緊和牛，豚肉亦透過煙燻處理，燒得好香口，真係要讚吓廚師嘅功力！🥰.我同朋友已經決定下個月再嚟食！