Video
Read full review
2021-11-09
2549 views
上次朋友生日就去了灣仔新泰東南亞餐廳，好好食呀！今日尖沙咀做完野，見到新泰都有分店，就點了幾款我最想食的，埋單300元左都好飽，仲要食唔晒打包走，都算抵食，唔怪得走時全場爆滿，仲有唔少人等位。巴東牛展$88面層鋪上香茅絲、咖哩、馬拉盞等，入口就感受到炆煮的牛腱，腍滑又鬆化，吸盡濃濃的香料的精華，不算辣，但好惹味，伴飯一流，可惜是夜晚唔敢食太多飯，所以食左兩件就打包回家，聽日晏晝餐飯有著落。🍃泰式炸春卷$68入口脆卜卜，內裡的饀料有紅蘿蔔絲、菜絲、菇絲及馬蹄粒，口感清新，充滿泰國特色，吃時加點酸甜充滿檸檬香的醬汁同吃，更是滋味。🐥泰式青咖哩雞配蒜茸包$88就有豬、牛及雞可揀，我揀左雞，份量都幾足，雞肉好嫩滑，都是雞肶肉，配料就有南瓜、豆角、紅椒、香葉，咖哩汁調教得剛剛好，少辣但好咖哩香，帶少甜。蒜茸包$32食青咖喱雞，必配的蒜茸包，咖喱汁淋在蒜茸包上，咖喱很香又夠厚身，與香脆的蒜茸包簡直是絕配，食到要吮手指，一客四件好想再Encore，但肚皮唔爭氣，一於下次再食。☕凍咖啡$33本來想飲杯泰式咖啡或奶茶，好彩問一問，真是調教時已加甜，還是飲杯還魂凍咖啡就算，咖啡都幾濃，走甜都唔苦，以咖啡作
巴東牛展$88面層鋪上香茅絲、咖哩、馬拉盞等，入口就感受到炆煮的牛腱，腍滑又鬆化，吸盡濃濃的香料的精華，不算辣，但好惹味，伴飯一流，可惜是夜晚唔敢食太多飯，所以食左兩件就打包回家，聽日晏晝餐飯有著落。
🍃泰式炸春卷$68入口脆卜卜，內裡的饀料有紅蘿蔔絲、菜絲、菇絲及馬蹄粒，口感清新，充滿泰國特色，吃時加點酸甜充滿檸檬香的醬汁同吃，更是滋味。
🐥泰式青咖哩雞配蒜茸包$88就有豬、牛及雞可揀，我揀左雞，份量都幾足，雞肉好嫩滑，都是雞肶肉，配料就有南瓜、豆角、紅椒、香葉，咖哩汁調教得剛剛好，少辣但好咖哩香，帶少甜。
蒜茸包$32食青咖喱雞，必配的蒜茸包，咖喱汁淋在蒜茸包上，咖喱很香又夠厚身，與香脆的蒜茸包簡直是絕配，食到要吮手指，一客四件好想再Encore，但肚皮唔爭氣，一於下次再食。
☕凍咖啡$33本來想飲杯泰式咖啡或奶茶，好彩問一問，真是調教時已加甜，還是飲杯還魂凍咖啡就算，咖啡都幾濃，走甜都唔苦，以咖啡作結，都食得好滿足。
地方都坐得舒服
充滿泰式風情
新泰東南亞餐廳
地址:尖沙咀加拿分道25-31號國際商業信貸銀行大廈地下1A舖及地庫
電話:21177003
Post
