Orange Elephant Thai Restaurant (啟德道)

Open Now

Now Closed

食呢間嘅原因好大部分都係衝住「一蚊一條泰式明爐烏頭魚」而去！！！一蚊！係一蚊！一蚊一條！呢間餐廳星期一至五每日都有一樣一蚊嘅item~星期一係泰式明爐烏頭魚，其他日子有蝦餅、有炒菜、有啤酒～點睇都係一蚊一條泰式明爐烏頭魚最抵啦！🤣🤣講咗咁多次抵，就緊係要講吓味道如何啦！！！我哋5個女仔，叫咗：豬肉碎生菜包、咖喱海鮮脆包盅、馬拉盞炒通菜、泰式蝦球炒金邊粉、椰青焗海鮮飯、泰式明爐烏頭魚、原隻芒果椰汁糯米飯、泰式千層糕、一杯芒果冰特飲、兩杯椰汁冰、一杯青檸疏打、一杯椰汁珍多冰。（叫咗1X樣嘢，先每人$16X，會唔會太抵！！！！）咖喱海鮮脆包盅 --> 超好食！！！個包包外邊係脆脆的，入面浸咗咖喱好入味，包感係軟軟的，但又唔係一咬就散晒／腍滋滋唔知做咩咁！呢個脆包盅會再翻食！！！！！馬拉盞炒通菜 --> 好鍾意！去親食泰國嘢都會叫呢個，好鍾意食！泰式蝦球炒金邊炒 -->正！唔會炒到成碟油淋淋，但又冇炒到痴埋成碟咁，啱啱好，炒得乾身又好食！椰青焗海鮮飯 --> 覺得可以再加多啲椰汁！！！芒果糯米飯 --> 可唔可以叫多一碟畀我自己🤣點鮮個芒果可以咁甜又冇渣