Video
Read full review
2020-12-13
839 views
每個月總會有幾日好想食甜品。今晚路過油麻地見到有張poster寫住有芒果糯米飯梳乎厘，芒果糯米飯係我嘅最愛，而梳乎厘又係一樣我好鍾意食嘅甜品，將兩樣咁正嘅甜品加埋一齊，擺明就係要吸引我去買啦。於是，我就忍唔住行左過去買啦。Menu呢樣野真係唔睇都還好，睇咗就會忍唔住叫多幾樣嘢食。於是，除咗呢個芒果糯米飯疏乎厘之外，我仲叫咗一份金燒奶黃布丁多士同埋一杯香蕉3.6牛乳奶昔。🥭芒果糯米飯疏乎厘 $50呢度每樣甜品都係即叫即整嘅。呢份疏乎厘一拎上手嗰陣，摸到仲係熱辣辣，聞落又香噴噴，我勁心急好想即刻食，心急到差啲連相都唔記得影。我本身以為呢個芒果糯米飯口味只會做到有啲芒果粒同埋有啲椰汁咁，點知佢仲有一舊糯米飯喺隔離，我即刻勁興奮，因為加埋梳乎厘上面嘅芒果粒，真係可以等於有一份芒果糯米飯喺到。咁$50蚊，又有芒果糯米飯食，又有兩塊厚厚嘅疏乎厘，真係抵到不能再抵。芒果粒好甜，疏乎厘上面嘅汁亦都同個疏乎厘好夾。一咬落去個疏乎厘，真係差啲要「哇」一聲，真係超鬆軟，好正呀。個糯米飯亦都不得不提。因為比起疏乎厘呢個主角，糯米飯理論上只係一個配角，但呢個配角竟然都咁好食。啲飯唔會太硬，又煮得夠黏身，仲正過香
Menu呢樣野真係唔睇都還好，睇咗就會忍唔住叫多幾樣嘢食。於是，除咗呢個芒果糯米飯疏乎厘之外，我仲叫咗一份金燒奶黃布丁多士同埋一杯香蕉3.6牛乳奶昔。
🥭芒果糯米飯疏乎厘 $50
呢度每樣甜品都係即叫即整嘅。呢份疏乎厘一拎上手嗰陣，摸到仲係熱辣辣，聞落又香噴噴，我勁心急好想即刻食，心急到差啲連相都唔記得影。我本身以為呢個芒果糯米飯口味只會做到有啲芒果粒同埋有啲椰汁咁，點知佢仲有一舊糯米飯喺隔離，我即刻勁興奮，因為加埋梳乎厘上面嘅芒果粒，真係可以等於有一份芒果糯米飯喺到。咁$50蚊，又有芒果糯米飯食，又有兩塊厚厚嘅疏乎厘，真係抵到不能再抵。
芒果粒好甜，疏乎厘上面嘅汁亦都同個疏乎厘好夾。一咬落去個疏乎厘，真係差啲要「哇」一聲，真係超鬆軟，好正呀。
個糯米飯亦都不得不提。因為比起疏乎厘呢個主角，糯米飯理論上只係一個配角，但呢個配角竟然都咁好食。啲飯唔會太硬，又煮得夠黏身，仲正過香港有啲泰國餐廳煮出嚟嘅糯米飯，食呢個甜品真係食得好開心。
芒果糯米飯疏乎厘
$50
32 views
0 likes
0 comments
🍮金燒奶黃布丁多士 $45
一路望住店員整呢個布丁多士望得好開心，特別係望住多士上面嘅焦糖燒緊嘅時候，就彷彿感受到啲焦糖一路慢慢咁越變越脆，好正。
$45有兩大塊厚厚嘅布丁多士可以兩個人share，都幾平幾抵食。食落係焦糖同多士中間夾住厚厚嘅布丁，外脆內軟，正。
金燒奶黃布丁多士
$45
27 views
0 likes
0 comments
🍌香蕉3.6牛乳奶昔 $38
雖然我唔係好知點解香蕉奶昔會係藍藍地嘅顏色，但呢隻色好靚。咁落去香蕉味好濃，奶味亦都好濃郁，口感亦都好濃厚順滑。一個字講曬：濃。好正。好飲。飲得出係用咗好甜好靚嘅香蕉整成咁，啱晒我呢個水果同奶類製品嘅愛好者。
香蕉3.6牛乳奶昔
$38
17 views
0 likes
0 comments
將所有嘢食完最後一啖嘅時候，我感覺相當不捨。我覺得我下次再經過油麻地嘅時候一定會再買黎食，特別係呢個芒果糯米飯疏乎厘，真係好抵食好好食。
Post
