Video
Read full review
2023-01-14
1541 views
Hello 大家好👋🏻！今日我嚟到位於東涌The Silveri Hotel嘅西餐廳「The Enclave」。 適逢朋友生日，一行四人去食嘢慶祝。餐廳環境好舒服， 座位濶落，服務員態度友善好熱衷， 可能今日係平日， 食客唔算多， 好有空間感。今次同大家分享一下佢哋嘅Lunch Semi Buffet主菜簡簡單單有三款， 鱸魚柳、 慢煮鴨、 黑松露磨菇意粉，甜品亦有三款， homemade蘋果批+雪糕、 homemade蛋糕+Whipped Cream、 小多士+各款芝士。美食攻略：首先我要讚下個「粟米忌廉湯」，有睇過小弟食評嘅都知我係湯控🤤， 佢哋個忌廉湯好認真咁將啲粟米blend溶晒， 口感好Rich又唔膩， 配佢哋嘅homemade 麵包一齊食，真係停唔到（小弟飲咗三碗）😆佢地homemade麵包有三款，我最推介呢一款迷你小法包， 硬度適中外脆內軟，仲好煙韌， 配牛油襯粟米湯，停唔到口😋佢地個Starter Buffet Bar種類唔多， 不過勝在新鮮， 補充快， 雖然款式少，但每款味道都好好，係會有想再添食嘅衝動🤤。每次出去Buffet Bar攞嘢食，佢哋都會轉一轉新款，好似羅
餐廳環境好舒服， 座位濶落，服務員態度友善好熱衷， 可能今日係平日， 食客唔算多， 好有空間感。
今次同大家分享一下佢哋嘅Lunch Semi Buffet
主菜簡簡單單有三款， 鱸魚柳、 慢煮鴨、 黑松露磨菇意粉，甜品亦有三款， homemade蘋果批+雪糕、 homemade蛋糕+Whipped Cream、 小多士+各款芝士。
美食攻略：
127 views
0 likes
0 comments
首先我要讚下個「粟米忌廉湯」，有睇過小弟食評嘅都知我係湯控🤤， 佢哋個忌廉湯好認真咁將啲粟米blend溶晒， 口感好Rich又唔膩， 配佢哋嘅homemade 麵包一齊食，真係停唔到（小弟飲咗三碗）😆
佢地homemade麵包有三款，我最推介呢一款迷你小法包， 硬度適中外脆內軟，仲好煙韌， 配牛油襯粟米湯，停唔到口😋
佢地個Starter Buffet Bar種類唔多， 不過勝在新鮮， 補充快， 雖然款式少，但每款味道都好好，係會有想再添食嘅衝動🤤。
每次出去Buffet Bar攞嘢食，佢哋都會轉一轉新款，好似羅馬生菜轉做羽衣甘藍， 千島醬螺絲粉沙律轉沙律醬雞肉螺絲粉沙律， 即使款式唔多，每次去攞嘢食都會有些少唔同，唔會悶😉。
54 views
0 likes
0 comments
輪到主菜， 我地點咗兩份慢煮鴨，兩份鱸魚扒。 先講下個慢煮鴨， 有一份鴨胸+一隻鴨髀， 肉質鬆軟。 因為用慢煮烹調，即使鴨胸都好嫩滑。 伴菜有玉米蓉代替薯仔蓉，好有新鮮感。 配上乾蔥碎及露荀， 整體搭配得好好😋。
49 views
0 likes
0 comments
鱸魚扒煎得好香， 皮脆肉滑好Juicy，配上乾番茄做醬汁， 正好抵消咗魚油嘅膩口， 食完唔會覺得好油膩🤤。
36 views
0 likes
0 comments
餐後甜品真係必須要提， 佢地個蘋果批，皮薄香脆， 保留到蘋果嘅鮮甜而又唔會酸， 配上雲尼拿雪糕，連唔多好甜點嘅小弟都覺得好好食。
26 views
0 likes
0 comments
我成日都話有食神眷顧我🙏🏻， 咁啱我地4個人都點蘋果批嘅時候，餐廳得返兩份， 所以轉咗兩份朱古力批， 朱古力好香滑，唔會太甜，好有可可味， 併埋雲尼拿雪糕，無輪溫度、甜度都啱啱好， 真係無誇張， 可能從小弟口中推介唔係好有說服力， 但係真心推介俾大家有機會試下佢哋嘅甜品，真心好食👍🏻
最後點少得嘆埋杯啡呢， 我點咗杯Regular Coffee， 呢杯咖啡我都好欣賞， 香濃不澀， 食到飽飽嘆杯啡，三、四知己傾下計，你話幾寫意呢☺️。 唔食飯淨係嚟嘆咖啡都好開心。》
餐廳彩用獨立包裝方糖， 好有新意又衛生👍🏻
美食指數：5🌝最高
味道：🌝🌝🌝🌝🌚
環境：🌝🌝🌝🌝🌚
服務：🌝🌝🌝🌝🌚
賣相：🌝🌝🌝🌝🌚
Post
