象泰 (Closed)

係屯門凱都戲院附近有個雅都商場，裝修左甘耐都未行過，原來裡面有好多好吃既，一格格食肆，好像夜市格局，人流都多左好多，我地都入去逛一逛。係呢間泰菜門口見到幅畫，好正，呢度逢星期一至五仲免加一，入去試下先。好，坐底睇下有咩好食先。泰式酸辣鳳爪沙律，酸辣到十足，我係食得辣嘅，都覺得勁！榴蓮波波，炸得好香脆，裡面既榴蓮好堅呀，係堅榴蓮味道，正！冬蔭公鮮蝦肉碎炒飯，飯炒得乾身，仲有大大粒蝦肉，輕微冬蔭公味，唔會太辣。紅咖哩羊排骨， 紅咖哩夠稠，有少少椰香味，羊排骨雖然有少少羶，但點完咖哩，就唔多覺，仲好腍好入味，配埋薄餅直頭一流，而薄餅就好香奶酥味。南瓜布甸，布甸既重奶味又有南瓜香，放左係正正既南瓜肉上面，一齊食仲更有層次。