Have A Date (Moved) New Location

正所謂一日之計在於晨，今日又要過嚟灣仔會議展覽中心工作，當然希望食到個靚早餐才開工囉。行過兩三間食肆，呢間門面及餐牌都是我想要的，就試吓喇!一推門入去，哇～全部食客都是男士，好彩我都是男人....婆，冇有怕😂。叫了份忘記甚麼名堂的早餐，有滑蛋多士，滑蛋真的很嫩滑，冇欺場，多士表面很脆，入面軟軟的，連平日唔喜歡食多士的我，試一啖後，都忍唔住全部食曬。份早餐仲有碗羅宋湯咸牛肉湯通粉，味道也很好，通粉煮得軟硬適中。至於杯凍咖啡，令人喜出望外，濃郁得嚟，飲完後，口腔仲留有厚厚的咖啡感覺，三十多元食到如此質素的靚早餐，諗都未諗過，極力推介。