彩福皇宴 (Closed)

今晚朋友生日，就成3人行去左皇室堡彩福食生日飯，去到環境燈光開揚，裝修大氣！見到menu 上面有d精選小菜好抵食，就叫左幾樣！每份都唔洗$100 ，好抵食！首先叫左個惹味香辣牛展粒，呢個係冷盤黎，牛展粒同埋青瓜同埋蘿蔔，牛展粒好有咬口，味道辣辣地幾惹味，令大家都好開胃！係個唔錯既頭盤小食！黑松露秋葵帶子炒滑蛋炒得非常嫩滑，秋葵鮮甜得黎又爽口，帶子綿綿！而黑松露味道濃郁，好快就比我地清哂！白灼生猛海中蝦，蝦身十分大隻，白灼得黎更加食到蝦本身既鮮味，蝦頭仲有濃濃既膏，蝦肉非常彈牙呢！呢度十分抵食又夠大份，下次都可以再黎食下其他小菜！！