唐記包點 (龍旺大廈)

Open Now

Now Closed

近日發現不論係港鐵站或街上都搵到唐記嘅蹤影，香港、九龍、新界，遠至南區都總會搵到一間，所以去唐記成為我平時必食好選擇。今次嚟到旺角區去朋友屋企打麻將，先醫醫個肚先，來一個熱賣之選“菜肉包”，菜肉包，包面甜甜地，裡面餡料足料，食到啖啖肉加菜香甜，食極都唔討厭。再加“香煎風味”$15蚊3件，$5.5有1件，我就叫咗一件蔥油餅兩件鍋貼， 蔥油餅相當香脆， 鍋貼煎得邊都很脆口，裡面豬肉餡料都好夠味。朋友就食點咗鳳爪排骨飯，份量十足，仲好抵食，每次想食蒸飯都叫鳳爪排骨，味道夠晒經典。其他朋友就要燒賣，$17蚊有4粒，有豬肉味加蝦肉都彈牙，再加山竹牛肉都係$17蚊，味道同酒樓水準差不多。另外再買埋紅豆包同麥皮饅頭，當宵夜，夠晒健康又好味。