泰旺泰國餐廳 (Closed)

想食泰國菜，於是幫襯下小店。兩個人，叫左馬拉通菜，$58，泰式春卷，$48，青檸蒸魚，$128，泰式炒豬河，$68。通菜好有獲氣，好香。青檸魚，雖然唔係用青檸，用左檸檬，但都好好味，酸酸辣辣咁，條魚仲好大條添。條魚一直用火加熱住，食到尾都熱辣辣，令到條魚入晒味，正。至於個炒河，豬肉都唔少，香味都唔錯，但d河粉就薄左d，不過就好滑。反而最唔吸引係個春卷，入面d料係齋黎，主要係粉絲，加上佢配個汁係酸梅醬，如果配泰式辣醬會好食好多。小店唔使加一，埋單$302，幾抵食，不過只收現金。