茶茶台式料理 (Closed)

現時台灣料理開到成行成市，菜式都係差不多，但係呢間餐廳就有比較特別嘅臭臭鍋食，所以被吸引嚟食下。叫咗個一人臭臭鍋，入邊嘅材料有鴨血、蜆仔、肥牛、豬大腸、米血糕等等，都係好有台灣特色嘅食物。湯底揀咗唔辣，但係個味道就有少少沙嗲感覺，都係有少少辣嘅。豆腐等材料入味之後，就非常之好食，而且仲可以另外追加烏冬，不過我今次就冇加到。雞扒肉操飯，雞扒非常之入味，鹽酥都好好食，外脆內嫩。小食花枝丸，入邊食到花枝粒。台灣小香腸，呢個就唔算好特別，一貫台灣風味。呢個手撕雞就值得一讚，落咗好多麻醬，而且雞肉好爽，成個感覺好清新。百香果茶，另外加咗珍珠，百香果味非常之濃，好好飲。朋友叫嘅爆檸四季春，佢都覺得唔錯，而且唔係好甜，甜度、冰塊多少都有得揀。